黎諾懿第一個個人主持節目《懿想得到》昨晚播出第一集，首集嘉賓就邀請到他的好兄弟鄭伊健登場，他特別邀請伊健重返TVB，希望重拾兩人拍攝《隨時候命》時的回憶，更特別走入電視城的餐廳廚房，親自下廚炮製「諾E海鮮麵」，以27蚊低價賣出，來回饋多位曾經合作過的幕後工作人員。
鄭伊健成為《懿想得到》第一集嘉賓。（圖片：《懿想得到》電視截圖）
他們走到TVB餐廳廚房，大賣「諾E海鮮麵」。（圖片：《懿想得到》電視截圖）
諾懿率先親自揸車載伊健，再拉埋佢親自走到街市買海鮮兼下廚，大受街坊大媽歡迎，紛紛被爭相集郵留念，不過伊健揚言不會講價，不想影響店主生意。過程中，伊健不時會發問奇怪問題，如：「桶蠔原來是一桶桶賣」、「凍肉店原來會賣烏冬」等等，由此可見伊健對街市行情是一竅不通，連諾懿都睇唔過眼，非常搞笑。
此外，諾懿特別安排兩位對伊健而言相當有情意結的人物現身，正是羅冠蘭和鄭丹瑞。伊健跟羅冠蘭在劇集《笑看風雲》入面結緣，甫見面就稱呼在劇中的名字「媽記」，兩人相擁，羅冠蘭大為感動說：「我唔知道你會記得我！伊健沒有改變過，是一個好可愛嘅男仔，那份童心、初心都完全冇受到污染，呢個簡直係神蹟。」羅冠蘭直言劇集1994年拍攝之後，再沒見過鄭伊健真人，她借機會乍嬌，她指若不是諾懿安排，平日沒機會見面，鄭伊健即時推搪：「我哋講緣份，有緣就會見面，就好似今次咁！你有冇見過古巨基？正衰仔！」
伊健與「媽記」羅冠蘭事隔25年再相見，立即互擁問候一番。（圖片：《懿想得到》電視截圖）
羅冠蘭同鄭伊健在《笑看風雲》演兩母子。（圖片：《懿想得到》電視截圖）
羅冠蘭直言拍完戲之後就冇見過伊健。（圖片：《懿想得到》電視截圖）
《笑看風雲》入面，伊健和古巨基飾演兩兄弟。（網上圖片）
今次諾懿的精心安排，令伊健大為感動，因伊健一心諗住幫兄弟亮相節目，沒想到對方卻為自己安排很多舊朋友見面，令他得著很大。其實諾懿跟伊健的兄弟感情真的非常好，諾懿在貧窮家庭出身，曾經攞過綜援，更要住劏房、捱食麵包。諾懿曾經在訪問中感激伊健在他低潮時出手幫忙，諾懿說：「喺我最霉嘅時候，伊健叫我去佢屋企揀衫，因為佢好多衫都只係著過一次，著完就會送俾我。伊健為咗令我唔好覺得有負擔，就同我講：『過嚟揀喇！啲衫我都唔要，淨係喺大陸著過，你喺香港著應該冇人會發覺嘅。』」伊健更私下跟相熟導演推介諾懿拍戲，認真是有情有義的好兄弟。
伊健同諾懿由遊戲機開始友情，沒想到互相扶持至今，成為好兄弟。（圖片：黎諾懿IG）
鄭伊健和黎諾懿在劇集《隨時候命》中合作。（圖片：東星娛樂）